स्थानीय निर्वाचनमा उम्मेदवार छनोट प्रकृयामा रास्वपाको नयाँ कार्यविधि

राष्ट्रिय स्वतन्त्र पार्टी (रास्वपा) ले आगामी स्थानीय तह निर्वाचनका लागि वैज्ञानिक, वस्तुपरक, पारदर्शी र सहभागितामूलक उम्मेदवार छनोट प्रणाली सार्वजनिक गरेको छ। पार्टीले मेयर, उपमेयर, गाउँपालिका अध्यक्ष, उपाध्यक्ष, वडा अध्यक्ष तथा वडा सदस्य पदका उम्मेदवार छनोटका लागि नयाँ कार्यविधि लागू गर्ने जनाएको हो।

रास्वपाले सार्वजनिक गरेको रुपरेखाअनुसार पार्टीको तर्फबाट उम्मेदवार बन्न इच्छुक व्यक्तिले सम्बन्धित नगरपालिका वा वडाको ‘उम्मेदवार क्लब’ मा औपचारिक आवेदन दिनुपर्नेछ। आवेदनपछि उम्मेदवारले चार चरणको मूल्याङ्कन प्रक्रिया पार गर्नुपर्ने व्यवस्था गरिएको छ।