आईएमआईएस प्रणालीमा उद्योग विवरण अद्यावधिक गर्न उद्योग विभागको आग्रह

काठमाडौं । उद्योग विभागले आफ्नो अभिलेखमा दर्ता रहेका उद्योगहरूलाई अनलाइन प्रणालीमार्फत उद्योगसम्बन्धी विवरण अद्यावधिक गर्न आग्रह गरेको छ ।

विभागले एक अत्यन्त जरुरी सूचना जारी गर्दै नेपाल सरकार, मन्त्रिपरिषद्को निर्णयअनुसार विदेशी लगानी बाहेक २५ करोड रुपैयाँसम्म स्थिर पूँजी भएका उद्योगहरूको दर्ता, नवीकरण तथा व्यवस्थापनको जिम्मेवारी अब घरेलु तथा साना उद्योग कार्यालयमार्फत मात्र हुने व्यवस्था कार्यान्वयनमा आएको जनाएको छ ।