२९.५२ प्रतिशतले घट्यो कृषि विकास बैंकको नाफा

काठमाडौं- कृषि विकास बैंक लिमिटेडको आर्थिक वर्ष २०८२/८३ को खुद नाफा २९.५२ प्रतिशतले घटेको छ। बैंकले सार्वजनिक गरेको चौथो त्रैमाससम्मको अपरिष्कृत वित्तीय विवरणअनुसार बैंकले गत आर्थिक वर्षमा २ अर्ब ६३ करोड ६ लाख ४१ हजार रुपैयाँ खुद नाफा आर्जन गरेको छ।

अघिल्लो आर्थिक वर्ष २०८१/८२ मा बैंकले ३ अर्ब ७३ करोड २४ लाख १६ हजार रुपैयाँ खुद नाफा कमाएको थियो। समीक्षा अवधिमा बैंकको खुद ब्याज आम्दानी पनि ३.४५ प्रतिशतले घटेर ९ अर्ब १२ करोड १५ लाख ८ हजार रुपैयाँमा सीमित भएको छ। अघिल्लो आर्थिक वर्षमा यस्तो आम्दानी ९ अर्ब ४४ करोड ७४ लाख ६७ हजार रुपैयाँ रहेको थियो।