रास्वपा सांसद नै गर्छन् गगन थापाको प्रशंसा,भन्छन्- ‘उहाँ राजनीतिक रूपमा परिपक्व हुनुहुन्छ’

काठमाडौं । नुवाकोट क्षेत्र नं. २ बाट निर्वाचित राष्ट्रिय स्वतन्त्र पार्टी (रास्वपा) का सांसद अच्युतम लामिछानेले नेपाली कांग्रेसका सभापति गगन कुमार थापाले पछिल्लो समय जनतामाझ सकारात्मक सन्देश प्रवाह गरिरहेको बताएका छन्।

प्राइम टेलिभिजन एचडीको ‘जनता जान्न चाहन्छन्’ कार्यक्रममा पत्रकार ऋषि थपलियासँग कुरा गर्दै सांसद लामिछानेले सकारात्मक सन्देशमार्फत जनताको मन जित्ने राजनीतिक दल नै आगामी दिनमा स्थापित हुने धारणा व्यक्त गरे।