मनहरी खोला तर्ने क्रममा एक जना बेपत्ता, खोजी कार्य जारी

मकवानपुरको कैलाश गाउँपालिकामा मनहरी खोला तर्ने क्रममा बगेर एक जना बेपत्ता भएका छन्।

प्रहरीका अनुसार बुधबार राति करिब ११:०० बजे कैलाश गाउँपालिका–४ सिसैटाका २५ वर्षीय प्रकाश तामाङ र सोही स्थानका ३२ वर्षीय अशोक प्रजा कालिकाटारबाट देउतीस्थित आफ्नै घर फर्कने क्रममा मनहरी खोला तर्दै थिए। सोही क्रममा दुवै जनालाई खोलाले बगाएको थियो।