स्ट्रेट अफ होर्मुजमा टोल लगाउने योजनामा जहाज सञ्चालकहरूको चेतावनी

न्युयोर्क । विश्वका प्रमुख जहाज मालिक तथा समुद्री यातायातसँग सम्बन्धित आठ ठुला अन्तर्राष्ट्रिय संस्थाले स्ट्रेट अफ होर्मुज हुँदै आवतजावत गर्ने जहाजहरूबाट टोल शुल्क उठाउने योजनाको विरोध गरेका छन्।

यस्तो व्यवस्था लागू भए अन्तर्राष्ट्रिय कानुन कमजोर हुने, विश्व व्यापारमा गम्भीर असर पर्ने र अन्ततः विश्वभरका सर्वसाधारणको जीवनयापन महँगो हुने चेतावनी उनीहरूले दिएका छन्। इरान र ओमानबिच स्ट्रेट अफ होर्मुजको व्यवस्थापनसम्बन्धी नयाँ सहमति अन्तिम चरणमा पुगेको भन्ने समाचार सार्वजनिक भएपछि उनीहरूको यस्तो प्रतिक्रिया आएको हो।