गठनको केही समयमै छिन्नभिन्न बन्यो प्रलोपा

काठमाडौ । पूर्वप्रधानमन्त्री बाबुराम भट्टराई, पूर्वमाओवादी नेता जनार्दन शर्मा र पूर्वरास्वपा नेता सन्तोष परियारलगायतको पहलमा स्थापना भएको प्रगतिशील लोकतान्त्रिक पार्टी (प्रलोपा) विभाजित भएको छ।

पार्टीभित्र लामो समयदेखि देखिएको मतभेदका कारण अधिकांश नेताहरू अलग भइसकेपछि बाँकी नेतृत्व पनि छुट्टिने सहमतिमा पुगेको हो। अध्यक्ष परिषद्का सदस्य दुर्गा सोब र सन्तोष परियारले आ–आफ्नो राजनीतिक यात्रा अलग–अलग रूपमा अघि बढाउने निर्णय गरेका छन्।