स्वास्थ्य बीमालाई व्यापारिक हिसाबले नहेर्न सरकारलाई प्रदीप पौडेलको आग्रह

काठमाडौँ – नेपाली काँग्रेसका महामन्त्री तथा पूर्वस्वास्थ्य तथा जनसंख्यामन्त्री प्रदीप पौडेलले स्वास्थ्य बीमा कार्यक्रमलाई नाफा-घाटाको आधारमा मूल्यांकन गर्नु राज्यको दायित्वसँग मेल नखाने भन्दै सरकारलाई नागरिकको मौलिक स्वास्थ्य अधिकारका रूपमा यसलाई अघि बढाउन आग्रह गरेका छन्।

बिहीबार सामाजिक सञ्जालमार्फत भिडियो सन्देश जारी गर्दै उनले स्वास्थ्य बीमा कुनै व्यावसायिक योजना नभई राज्यले नागरिकलाई उपलब्ध गराउने सामाजिक सुरक्षा प्रणाली भएकाले ब्यालेन्स सिटको दृष्टिकोणबाट यसको औचित्य मापन गर्न नहुने बताएका हुन्।