रकम निकासाअघि विद्यार्थी संख्या यकिन गर्न स्थानीय तहलाई निर्देशन

काठमाडौँ- शिक्षा तथा मानव स्रोत विकास केन्द्र (शिक्षा विभाग) ले शैक्षिक सत्र २०८३ मा एकीकृत शैक्षिक व्यवस्थापन सूचना प्रणालीमा अद्यावधिक गरिएको विद्यार्थी विवरण अनिवार्य रूपमा सत्यापन गर्न सबै स्थानीय तह र विद्यालयलाई निर्देशन दिएको छ।

विभागका तथ्यांक अधिकृत सुशील पौडेलद्वारा जारी पत्रअनुसार सामुदायिक, संस्थागत तथा परम्परागत/धार्मिक प्रकृतिका सबै विद्यालयले आईईएमआईएसमा प्रविष्ट गरेका विद्यार्थी नियमित रूपमा अध्ययनरत छन् वा छैनन् भन्ने यकिन गर्नुपर्ने उल्लेख गरिएको छ।