बुटवल–पाल्पा सडकखण्ड अवरुद्ध

बुटवल । बुटवल–पाल्पा सडकखण्ड अवरुद्ध भएको छ । सिद्धार्थ राजमार्गअन्तर्गत गौडेपुलनजिकै बिहीबार (साउन २१) बिहान सुक्खा पहिरो खस्दा सडक पूर्ण रूपमा अवरुद्ध भएको प्रहरीले जनाएको छ ।

सडक अवरुद्ध हुँदा सिद्धार्थ राजमार्ग हुँदै बुटवलबाट पाल्पा, गुल्मी, स्याङ्जा, पोखरालगायत जिल्लामा जाने सवारीसाधन बीचबाटोमै अलपत्र परेका छन् । त्यताबाट बुटवलतर्फ आउने सवारीसाधन पनि अलपत्र परेका छन् ।