केएमसीमा साउन २४ गते ‘जब फेयर–२०२६’, ४७ भन्दा बढी कम्पनीले दिने प्रत्यक्ष रोजगारीको अवसर

काठमाडौं । काठमाडौं मोडेल कलेज (केएमसी), बागबजारले आगामी साउन २४ गते ‘केएमसी जब फेयर–२०२६’ आयोजना गर्ने भएको छ। रोजगार मेलामा ४७ भन्दा बढी राष्ट्रिय तथा अन्तर्राष्ट्रिय कम्पनीले विभिन्न पदका लागि दक्ष जनशक्ति छनोट गर्ने जनाइएको छ।

केएमसी नेटवर्कअन्तर्गतका कलेज तथा अन्य शैक्षिक संस्थाबाट स्नातक र स्नातकोत्तर तह अध्ययनरत तथा अध्ययन पूरा गरेका विद्यार्थीलाई लक्षित गरी आयोजना हुने रोजगार मेलामा सयौं युवाको सहभागिता रहने अपेक्षा गरिएको कलेजले जनाएको छ।