नेपाल आयल निगमको कार्यकारी निर्देशकमा नागेन्द्र साह नियुक्त

काठमाडौं- नेपाल आयल निगम लिमिटेडको कार्यकारी निर्देशकमा चार्टर्ड एकाउन्टेन्ट (सीए) नागेन्द्र साह नियुक्त भएका छन्। बुधबार बसेको मन्त्रिपरिषद् बैठकले खुला प्रतिस्पर्धाबाट छनोट भएका उम्मेदवारमध्ये साहलाई चार वर्षका लागि निगमको नेतृत्वको जिम्मेवारी दिएको हो।

मुख्यसचिव गोविन्दबहादुर कार्कीका अनुसार उद्योग, वाणिज्य तथा आपूर्ति मन्त्रालयले सञ्चालन गरेको खुला प्रतिस्पर्धात्मक छनोट प्रक्रियाबाट साह, प्यूठानका कौशल केसी र सप्तरीका सञ्जीवकुमार देव उत्कृष्ट तीन उम्मेदवारमा परेका थिए। मन्त्रिपरिषद्ले उनीहरूमध्ये साहलाई कार्यकारी निर्देशक नियुक्त गर्ने निर्णय गरेको हो।