लुटेराको आक्रमणमा परी युगान्डा फुटबल टोलीका पूर्वकप्तानको हत्या

काठमाडौं । युगान्डाका चर्चित फुटबलर तथा राष्ट्रिय टोलीका पूर्वकप्तान डेभिड ओवोरीको लुटेराको आक्रमणमा परी मृत्यु भएको छ । २७ वर्षीय ओवोरीको मृत्युले युगान्डाभर शोक छाएको छ भने बढ्दो हिंसात्मक अपराधविरुद्ध जनआक्रोश पनि चुलिएको छ ।

प्रहरीका अनुसार राजधानी कम्पालास्थित आफ्नै घर नजिक मंगलबार राति केही लुटेराहरूले उनको मोबाइल फोन र अन्य सामान लुट्ने प्रयास गरेका थिए । त्यसको प्रतिरोध गर्दा उनीमाथि निर्घात कुटपिट गरिएको थियो ।