कंगोद्वारा तामा र कोबाल्ट कन्सेन्ट्रेटको निर्यातमा प्रतिबन्ध, स्वदेशमै प्रशोधन गर्न जोड

एजेन्सी । अफ्रिकी मुलुक कंगोले आफ्नो विशाल खनिज स्रोतहरूबाट बढी लाभ लिन र स्वदेशमै प्रशोधन कार्यलाई अनिवार्य बनाउन तामा र कोबाल्ट कन्सेन्ट्रेटको निर्यातमा प्रतिबन्ध लगाएको छ । रोयटर्सले बिहीबार समीक्षा गरेको सरकारी आदेश अनुसार, यो कदम खनिज क्षेत्रको विकासका लागि चालिएको एक ठूलो कदम हो ।

जुन २९ मा खानीमन्त्री लुइस काबाम्बा वातुम, वैदेशिक व्यापारमन्त्री जुलियन पालुकु काहोंग्या र अर्थमन्त्री ड्यानियल मुकोको साम्बाद्वारा हस्ताक्षरित आदेशमा तामा र कोबाल्ट कन्सेन्ट्रेटको निर्यात निषेध गरिएको छ भनी उल्लेख गरिएको छ ।