विदेशी उपाधिको समकक्षता सेवा अब यूजीसीमार्फत, अनलाइनबाटै आवेदन र प्रमाणपत्र

विदेशी विश्वविद्यालय तथा उच्चशैक्षिक संस्थाबाट प्राप्त शैक्षिक उपाधिको समकक्षता (इक्विभलेन्सी) प्रदान गर्ने सेवा अब विश्वविद्यालय अनुदान आयोग (यूजीसी) मार्फत सञ्चालनमा आएको छ। यसअघि त्रिभुवन विश्वविद्यालयले दिँदै आएको यो सेवा २०८३ साउन १ गतेदेखि कानुनी व्यवस्थाअनुसार आयोगमा हस्तान्तरण भएको हो।

समकक्षता सेवालाई प्रविधिमैत्री बनाउन आयोगले साउन ६ गतेदेखि अनलाइन आवेदन प्रणाली सञ्चालनमा ल्याएको छ। नयाँ अनलाइन प्रणालीमा हालसम्म ३ हजार १६२ जना प्रयोगकर्ता दर्ता भइसकेका छन् भने करिब १ हजार आवेदनको प्रक्रिया अघि बढिसकेको छ।