कुटपिटबाट युगान्डाका फुटबलर डेभिड ओवोरीको मृत्यु

युगान्डाका चर्चित फुटबलर तथा एससी भिल्लाका कप्तान डेभिड ओवोरीको कुटपिटबाट मृत्यु भएको छ। २७ वर्षीय ओवोरीलाई राजधानी कम्पालाको मकिन्द्ये क्षेत्रमा घर फर्किने क्रममा आक्रमणकारी समूहको कुटपिटमा परेका थिए।

प्रहरीका अनुसार मंगलबार राति केही व्यक्तिले ओवोरीको मोबाइल फोन तथा व्यक्तिगत सामान लुट्ने प्रयास गरेका थिए। उनले प्रतिकार गरेपछि आक्रमणकारीले ढुंगालगायतका वस्तुले प्रहार गरेको प्रारम्भिक अनुसन्धानबाट खुलेको छ। गम्भीर घाइते भएका ओवोरीलाई उपचारका लागि स्वास्थ्य संस्थामा लगिए पनि उनको ज्यान बचाउन सकिएन।