आठबीसकोट नगरप्रमुखसहित ११ जनाविरुद्ध भ्रष्टाचार मुद्दा

काठमाडौं : रुकुम पश्चिमको आठबीसकोट नगरपालिकाका प्रमुख रवी केसीसहित ११ जनाविरुद्ध भ्रष्टाचार मुद्दा दायर भएको छ। अख्तियार दुरुपयोग अनुसन्धान आयोगले दुग्ध व्यवसाय प्रवर्द्धन कार्यक्रमअन्तर्गत उपलब्ध गराइएको सरकारी अनुदान दुरुपयोग गरेको आरोपमा विशेष अदालतमा आरोपपत्र दायर गरेको हो।

आयोगले केसीसहित पशु अस्पताल तथा सेवा कार्यालयका निमित्त कार्यालय प्रमुख सुवर्ण सिंह ठकुरी, ज्ञानुकुमार शर्मा, शेरबहादुर खड्का, यमबहादुर पुन, मिनबहादुर केसी, मणिराज शाह, जनक बाटाला, वीरबहादुर रोकाया, गोविन्द प्रकाश खड्का र जुनुकुमारी चनेलविरुद्ध मुद्दा दायर गरेको हो।