कांग्रेस नीति, अनुसन्धान तथा प्रशिक्षण प्रतिष्ठानको बैठक जेठ २७ गते बस्ने

काठमाडौं । नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानको चौथो बैठक आगामी जेठ २७ गते बस्ने भएको छ। ललितपुरको सानेपास्थित पार्टी केन्द्रीय कार्यालयमा जेठ २७ गते बुधबार बिहान ११ बजे बैठक आह्वान गरिएको हो।

कांग्रेसका कार्यवाहक मुख्य सचिव कृष्णप्रसाद दुलालले एक प्रेस विज्ञप्ति जारी गर्दै प्रतिष्ठानका सम्पूर्ण पदाधिकारी तथा सदस्यहरूलाई बैठकमा उपस्थितिका लागि अनुरोध गरेका छन्। बैठकमा पार्टीको आन्तरिक सुदृढीकरण, नीतिगत सुधार र आगामी सांगठनिक संरचनाका विषयमा महत्वपूर्ण छलफल हुने जनाइएको छ।