आङ्देम्बेसँग सभामुखले भने- भोलि कार्यव्यवस्था समितिको बैठक, यथाशीघ्र संसद्

१५ भदौ, काठमाडौं । संसद् बैठक आह्वानका लागि प्रतिनिधिसभाको कार्यव्यवस्था परामर्श समितिको बैठक मंगलबार बस्ने भएको छ । सोमबार कांग्रेस संसदीय दलका नेता भीष्मराज आङदेम्बेको ध्यानाकर्षण पत्र बुझ्दै सभामुख डोलप्रसाद अर्यालले मंगलबार नै कार्यव्यवस्था परामर्श समितिको बैठक बोलाएर संसद् बैठक सञ्चालनको टुङ्गो लगाउने बताएका छन् ।

सदन विपद्का कारण केहीदिन स्थगित गरिएको भएता पनि अब तत्काल सञ्चालन गर्न आफूले सभामुखको ध्यानाकर्षण गराएको आङदेम्बेले बताए । जवाफमा सभामुख अर्यालले कार्यव्यवस्था परामर्शको बैठकपश्चात संसद् आह्वान गरिने प्रतिबद्धता जनाएको उनले जानकारी दिए ।