कन्दराको एटलान्टा कन्सर्टको २१ लाख बाढी पीडितलाई

कन्दरा ब्यान्डले कन्सर्टमार्फत भोटेकोशी बाढी पीडितका २१ लाख नेपाली रुपैयाँ प्रधानमन्त्री राहत कोषमा हस्तान्तरण गरेको छ। कन्दराको आह्वान र अग्रसरतामा बिएनएमको आयोजना तथा एटलान्टा, अमेरिकामा रहेका नेपाली दर्शक, संघ–संस्था, व्यवसायी, कलाकार, शुभेच्छुक तथा समुदायको सहभागितामा सम्पन्न कार्यक्रममा रकम संकलन गरिएको हो।

एटलान्टास्थित नाफारहित संस्था नेपलिज एसोसिएसन अफ जर्जियाको बैंक खाताबाट प्रधानमन्त्री राहत कोषमा हस्तान्तरण गरिएको कन्दराले आफ्नो सामाजिक सञ्जालबाट जानकारी गराएको हो। २१ लाख रुपैयाँको सहयोग विपद्प्रभावित नेपाली दाजुभाइ तथा दिदीबहिनीको राहत, उद्धार र पुनर्स्थाका लागि समर्पित गरिएको कन्दराले जनाएको छ।