‘बा : एक योद्धा’ को प्रदर्शन स्थगित, राहत कोषमा २ लाख १ हजार सहयाेग

काठमाडौँ । चलचित्र ‘बा : एक योद्धा’ को प्रदर्शन स्थगित गरिएको छ । भदौ १९ भदौदेखि देशभर प्रदर्शन हुन लागेको फिल्मको हाललाई प्रदर्शन स्थगित गरिएको हो ।

प्राकृतिक विपत्तिका कारण पुगेको अकल्पनीय जनधनको क्षतिप्रति ऐक्यबद्धता जनाउँदै निर्माण कम्पनी आर्टिस्टिक इन्टरटेन्मेन्टका तर्फबाट निर्माता वसन्त लम्सालले एक प्रेस विज्ञप्ति जारी गर्दै प्रदर्शन मिति हेरफेर भएको जानकारी दिएका छन् ।