कीर्तिपुर होल्डिङ सेन्टरका ४० भन्दा बढी बालबालिकालाई पढाउँदै काठमाडौं महानगर

सुकुम्बासी बस्तीबाट विस्थापित भई पढाइ अवरूद्ध भएका ४० जनाभन्दा बढी बालबालिकालाई काठमाडौं महानगरपालिकाले पढाउने व्यवस्था गरेको छ।

सरकारले सुकुम्बासी बस्तीमा डोजर चलाएपछि त्यहाँका बालबालिका नियमित विद्यालय जानबाट वञ्चित भएका थिए। यस्ता बालबालिकाको संख्या धेरै भए पनि अहिलेलाई कीर्तिपुर होल्डिङ सेन्टरमा आश्रित कम्तिमा ४४ जनाका लागि काठमाडौं महानगरपालिकाले पढाइको व्यवस्था मिलाउने प्रक्रिया अघि बढाएको हो।