एसियाली खेलकुदका निर्णायक र प्राविधिक पदाधिकारीलाई राखेपको यस्तो निर्देशन

काठमाडौँ- राष्ट्रिय खेलकुद परिषद् (राखेप) ले जापानको आइची नागोयामा हुने २०औँ एसियाली खेलकुदमा नेपालको तर्फबाट सहभागी हुने जुरी, निर्णायक, जज तथा प्राविधिक पदाधिकारीलाई आवश्यक समन्वय गरेर जिम्मेवारी निर्वाह गर्न आग्रह गरेको छ।

राखेपले सोमबार सूचना जारी गर्दै आगामी असोज ३ देखि १८ गतेसम्म आयोजना हुने प्रतियोगितामा नेपालको प्रतिनिधित्व गर्ने सबै पदाधिकारीलाई यस्तो आग्रह गरेको हो।