आर्यनको रहस्मय उपस्थिति

झिँगेदाउको सफलतापछि निर्देशक ज्ञानेन्द्र देउजाले नै निर्देशन गरेको त्यसको सिक्वेल फिल्म झिँगेदाउ २ को टिजर ललितपुरमा आयोजित एक समारोहबीच सार्वजनिक गरिएको छ।

पारिवारिक कथावस्तुमा आधारित झिँगेदाउ २ को १ मिनेट ५१ सेकेन्डको टिजरमा फिल्मको कथा र पात्रहरूको झलक प्रस्तुत गरिएको छ। टिजरले पहिलो भागकै पारिवारिक परिवेशलाई निरन्तरता दिएको छ। देउरानी–जेठानीबीचको घरायसी द्वन्द्व, परिवारभित्रको तनाव र सम्बन्धमा आउने उतारचढावलाई टिजरमा प्रस्तुत गरिएको छ।