कप्तानगन्ज प्रदर्शन: माग पूरा गर्न दबाब

सुनसरीको देवानगन्ज– ३ को कप्तानगन्जमा तीनजनाको मृत्यु भइसकेको घटनामा सरकारले सहमति गरेका माग पूरा नगरेसम्म निरन्तर आन्दोलन जारी राख्ने पीडितले घोषणा गरेका छन्। साउन १९ को देवानगन्ज– ३ का २२ वर्षीय रवीन्द्र मेहताको उपचारका क्रममा मृत्यु भएपछि सरकारले गरेको सहमति कार्यान्वयनसँगै दोषीलाई कारबाही माग राखेर निरन्तर आन्दोलन जारी राखेका हुन्।

काठमाडौंको त्रिवि शिक्षण अस्पतालमा उपचारका क्रममा मृत्यु भएका रवीन्द्रको शवसमेत आफन्तले बुझेका छैनन्। कप्तानगन्ज घटनामा साउन १० गते दुईपक्षीय झडप भएर हिंसात्मक रूप लिँदा सोही दिन २५ वर्षीय ओमप्रकाश मेहता, साउन १४ गते विराटनगरस्थित न्युरो अस्पतालमा उपचारका क्रममा २१ वर्षीय जयप्रकाश मेहता र साउन साउन १९ गते रवीन्द्रको मृत्यु भएको थियो।