आयल निगमको ट्यांकरबाटै २० हजार लिटर हवाई इन्धन चोरी, सात पक्राउ

काठमाडौँ। भारत बिहारबाट नेपाल आएको आयल निगमको हवाई इन्धन बीच बाटोमै चोरी भएको छ। सीनामंगल काठमाडौँमा आइपुग्नुपर्ने २० हजार लिटर हवाई इन्धन वीरगन्जमै चोरी भएको पाइएको हो।

प्रहरीका अनुसार ना७ख १५३९ नम्बरको नेपाल आयल निगमको ट्यांकरबाट हवाई इन्धन चोरी प्रकरणमा सात जनालाई पक्राउ गरिएको छ। बिहारबाट सिधै आउने ट्यांकरको सिल तोडेर वीरगन्ज महानगरपालिका-१४ बाइपास सडकखण्डस्थित सौदागर आयल सेन्टरमा बिहीबार चोरी गरिएको पर्सा प्रहरी प्रमुख प्रहरी उपरीक्षक पवनकुमार भट्टराईले बताए।