थाइल्यान्डको विद्यालयमा विद्यार्थीले गोली चलाउँदा शिक्षकको मृत्यु, ४ जना घाइते

काठमाडौँ । थाइल्यान्डको राजधानी बैंककको उत्तरतर्फ रहेको एक विद्यालयमा शुक्रबार एक विद्यार्थीले गोली चलाउँदा कम्तीमा एक शिक्षकको मृत्यु भएको छ भने ४ जना घाइते भएका छन्। गोली चलाउने विद्यार्थीले पछि आत्महत्या गरेको अधिकारीहरूले बताएका छन्।

नोन्थाबुरी प्रान्तीय प्रहरी प्रमुख लेफ्टिनेन्ट कर्नेल डेच्रापी कोङ्दीले रोयटर्सलाई घटनामा भएको मानवीय क्षतिको पुष्टि गरेका छन् । उनका अनुसार घाइते हुनेमा एक शिक्षक र तीन विद्यार्थी रहेका छन् । गोली चलाउने व्यक्ति पनि सोही विद्यालयका विद्यार्थी रहेको प्रहरीले जनाएको छ।