वरिष्ठ एनेस्थेसियोलोजिस्ट डा. अमात्य बने गंगालालको निर्देशक

२२ साउन, काठमाडौं । शहीद गंगालाल राष्ट्रिय हृदय केन्द्रको निर्देशकमा वरिष्ठ एनेस्थेसियोलोजिस्ट प्रा.डा. आशिष गोविन्द अमात्य नियुक्त भएका छन् । लामो समयदेखि केन्द्रमै कार्यरत उनी मुटु शल्यक्रियामा आवश्यक एनेस्थेसियाका अनुभवी चिकित्सकका रूपमा परिचित छन्।

ललितपुरको कुपण्डोलमा जन्मिएका डा. अमात्यको प्रारम्भिक शिक्षा सेन्ट जेभियर्स स्कुलमा भएको थियो। त्यसपछि उनले बुढानीलकण्ठ विद्यालयबाट एसएलसी उत्तीर्ण गरे। उच्च माध्यमिक शिक्षा भारतको दि लरेन्स स्कुल, सिम्लाबाट पूरा गरेका उनले बंगलादेश मेडिकल कलेज (ढाका विश्वविद्यालय)बाट सन् २००२ मा एमबीबीएस उतीर्ण गरेका थिए ।