कोइराला निवास संरक्षणका लागि छुट्याइएको २ करोड नलिने शेखरको निर्णय

काठमाडौं । नेपाली कांग्रेसका नेता डा. शेखर कोइरालाले विराटनगरस्थित ऐतिहासिक कोइराला निवासको मर्मत तथा संरक्षणका लागि सरकारले विनियोजन गरेको दुई करोड रुपैयाँ स्वीकार नगर्ने निर्णय गरेका छन्।

आर्थिक वर्ष २०८३/८४ को बजेटमार्फत उक्त रकम छुट्याइएपछि डा. कोइरालाले संस्कृति, पर्यटन तथा नागरिक उड्डयन मन्त्रालयलाई २० साउनमा पत्राचार गर्दै सो बजेट नैतिक आधारमा ग्रहण गर्न नसक्ने जानकारी दिएका हुन्।