‘मिस वर्ल्ड’ मा सहभागी हुन लुना लुइँटेल भोलि भियतनाम उड्ने

काठमाडौं । ‘मिस नेपाल वर्ल्ड २०२५’ लुना लुइँटेल ७३ औँ मिस वर्ल्ड प्रतियोगितामा सहभागी हुन शनिबार भियतनाम प्रस्थान गर्ने भएकी छन् । फिनाले ५ सेप्टेम्बरमा त्यहाँको न्हा ट्राङ सिटीमा हुनेछ ।

मिस वर्ल्डको फिनालेका लागि लुनाले विभिन्न क्षेत्रका प्रशिक्षक र विशेषज्ञसँग प्रशिक्षण लिएको द हिडन ट्रेजरले जनाएको छ । तयारीका क्रममा उनले भारतको मुम्बईमा विशेष प्रशिक्षण कार्यक्रम पनि पूरा गरेकी छन् ।