माछापुच्छ्रे बैंकले सुरू गर्‍याे मोबाइल बैँकिङ एपमा 'बिल जितौँ' करदाता प्रोत्साहन उपहार कार्यक्रम 

काठमाडौं- माछापुच्छ्रे बैंक लिमिटेडले नेपाल सरकार अर्थ मन्त्रालय, आन्तरिक राजश्व विभागद्वारा सञ्चालन भईरहेको 'करदाता प्रोत्साहन उपहार कार्यक्रम'लाई योगदान पुर्याउने उद्देश्यका साथ विशेष सुविधा सञ्चालनमा ल्याएको छ। बैंकले एमबीएल एम-स्मार्ट (MBL M-SMART) मोबाइल बैँकिङ एपमा 'बिल जितौँ' (IRD) सुविधा सञ्चालनमा ल्याएको हो।

नेपाल सरकारको आर्थिक वर्ष २०८३/८४ को बजेटअनुसार आन्तरिक राजस्व विभागले बिल लिने संस्कृतिको विकास, डिजिटल भुक्तानीलाई प्रोत्साहन तथा कर प्रणालीलाई थप पारदर्शी बनाउने उद्देश्यले करदाता प्रोत्साहन उपहार कार्यक्रम सञ्चालन गरेको बैंकले जनाएको छ।