सभामुखले दिए सांसद डा‍‍.यादवले उठाएको विषयमा जवाफ दिन सरकारलाई निर्देशन

काठमाडौँ । सभामुख डोलप्रसाद अर्यालले नेपाली कांग्रेसका सांसद डा.चन्द्रमोहन यादवले उठाएको ट्रमा सेन्टर स्थानान्तरणसम्बन्धी विषयमा आजै जवाफ दिन सरकारलाई निर्देशन दिएका छन्।

प्रतिनिधिसभाको शुक्रबारको बैठकमा सांसद यादवले धनुषाको ढल्केबरमा निर्माण गर्ने भनिएको ट्रमा सेन्टरलाई स्वास्थ्य तथा जनसंख्यामन्त्री निशा मेहताले अन्यत्र सार्न खोजेको भन्दै कडा विरोध जनाएका थिए। सांसद यादवको विरोध र गम्भीर ध्यानाकर्षणपछि सभामुख अर्यालले सरकारलाई सो विषयमा स्पष्ट पार्न निर्देशन दिएका हुन्।