झ्याप्पझ्याप्प बत्ती जाँदा उपभोक्ता आजित, दैनिक जीवनदेखि व्यवसायसम्म प्रभावित

२२ साउन, काठमाडौं । नेपालमा औपचारिक रूपमा लोडसेडिङ अन्त्य भएको वर्षौं बितिसकेको छ । तर, पछिल्ला केही समययता काठमाडौं उपत्यका सहित विभिन्न स्थानमा विनासूचना पटक–पटक विद्युत् जाने र केही मिनेटमै आउने क्रम बढेपछि उपभोक्ता भने पुरानै समस्याको झल्को महसुस गर्न थालेका छन् ।

दिनभरि नै झ्याप्पझ्याप्प बत्ती जाने र केही सेकेन्ड वा मिनेटमै फर्किने अवस्थाले घरायसी काममात्र होइन, कार्यालय, उद्योग, अस्पताल, इन्टरनेट सेवा तथा अनलाइन व्यवसायसमेत प्रभावित हुन थालेका छन् ।