भण्डारीलाई थुनामुक्त गर्न अस्वीकार

काठमाडौं । सर्वोच्च अदालतले नेपाल दूरसञ्चार प्राधिकरणका पूर्वअध्यक्ष भूपेन्द्र भण्डारीलाई थुनामुक्त गर्न अस्वीकार गरेको छ। उनकी श्रीमती दिप्ती बस्नेतले दिएको बन्दी प्रत्यक्षीकरणको मुद्दामा न्यायाधीश शान्तिसिंह थापाको इजलासले कारण देखाउ आदेश दिए पनि थुनामुक्त गर्न भने नमानेको हो।

बस्नेतले नेपाल प्रहरीको केन्द्रीय अनुसन्धान ब्युरो (सीआईबी)समेतलाई विपक्षी बनाई मुद्दा हालेकी हुन्। ‘यसमा के कसो भएको हो, निवेदकको मागअनुसारको आदेश किन जारी हुनु नपर्ने हो ?’, आदेशमा सर्वोच्चले भनेको छ, ‘आदेश जारी हुनु नपर्ने भए आधार कारणसहित तीन दिनभित्र विपक्षीहरुको हकमा महान्यायाधिवक्ताको कार्यालयमार्फत लिखित जवाफ पेस गर्नु..’