तातोपानी नाका सञ्चालन गर्न सांसद युवराज दुलालको माग

प्रतिनिधिसभा सदस्य युवराज दुलालले सिन्धुपाल्चोकको डाक्लाङ, इको र लिपिङ क्षेत्रमा गएको पहिरोका कारण अवरुद्ध भएको राजमार्ग तथा तातोपानी नाका सञ्चालनमा ल्याउन सरकारसँग माग गरेका छन्।

शुक्रबार प्रतिनिधिसभाको बैठकमा बोल्दै सांसद दुलालले सडक अवरुद्ध हुँदा भोटेकोशी गाउँपालिकाको जनजीवन प्रभावित भएको र सडक नाकाको रूपमा मात्र नभई स्थानीय नागरिकको दैनिक जीवनसँग प्रत्यक्ष जोडिएको पूर्वाधार भएकाले महिनौँसम्म यातायात अवरुद्ध रहनु कष्टकर भएको बताए।