सेयर बजारमा सामान्य गिरावट, पौने ४ अर्बको कारोबार

काठमाडौँ । साताको कारोबार हुने अन्तिम दिन नेपाल स्टक एक्सचेन्ज (नेप्से) परिसूचकमा सामान्य गिरावट देखिएको छ। आज नेप्से परिसूचक ४.०५ अङ्कले घटेर २६५०.०९ विन्दुमा कायम भएको छ। यो अघिल्लो कारोबार दिनको तुलनामा ०.१५ प्रतिशतको गिरावट हो।

आज बजारमा कुल ३३४ कम्पनीका १ करोड ३ लाख १३ हजार ९७९ कित्ता सेयर खरिद–बिक्री भएका छन्। जसबाट कुल ३ अर्ब ७७ करोड ४३ लाख रुपैयाँ बराबरको कारोबार भएको छ।