सरकारको नियतमाथि प्रश्न छैन, तर काम गर्ने शैली सुधार्नुपर्छ : सांसद मनिष झा

राष्ट्रिय स्वतन्त्र पार्टी (रास्वपा) का प्रतिनिधिसभा सदस्य मनिष झाले वर्तमान सरकारको नियत र इमानदारीप्रति आफूलाई कुनै शंका नभए पनि काम गर्ने शैलीमा सुधार आवश्यक रहेको बताएका छन्।

शुक्रबार प्रतिनिधिसभाको बैठकमा बोल्दै झाले सरकारसँग काम गर्ने इच्छा र इमानदारी भए पनि राज्य सञ्चालनको ढंग प्रभावकारी बनाउनुपर्ने बताएका हुन् । सरकारले आफूलाई सबै कुरा थाहा छ भन्दै जाँदा निरन्तर सिक्ने प्रकृयाको विकास नहुने बताए।