चितवनमा बाघ–चितुवाको गतिविधि निगरानी गर्न सीसी क्यामरा र खोरको व्यवस्था

चितवन । चितवनका मानव बस्ती आसपास बाघ र चितुवाको आवतजावत बढ्न थालेपछि डिभिजन वन कार्यालयले आधुनिक निगरानी प्रणाली अपनाएको छ। वन्यजन्तुको गतिविधि पहिचान गर्न विभिन्न स्थानमा सीसी क्यामरा जडान गर्नुका साथै आवश्यक परे नियन्त्रणका लागि खोरसमेत राखिएको छ।

वन अधिकृत सुदीप हमालका अनुसार मानव बस्तीमा प्रवेश गर्ने बाघ तथा चितुवाको सुरक्षित अनुगमन र उद्धारलाई लक्षित गर्दै क्यामरा ट्र्यापिङ र खोर व्यवस्थापन सुरु गरिएको हो।