सरकारको प्राथमिकता : शासकीय सुधारदेखि सय बुँदे कार्यसूची कार्यान्वयन

काठमाडौं – सरकारले शासकीय सुधार, सुशासन प्रवर्द्धन, विकास आयोजना अनुगमन तथा सेवा प्रवाह सुधारलाई प्राथमिकतामा राख्दै आफ्ना सय बुँदे कार्यसूचीको कार्यान्वयनलाई निरन्तरता दिएको जनाएको छ।

प्रधानमन्त्री तथा मन्त्रिपरिषद्को कार्यालयले सार्वजनिक गरेको आर्थिक वर्ष २०८२/८३ को चौथो त्रैमासिक (वैशाख–असार) प्रगति विवरणअनुसार यस अवधिमा मन्त्रिपरिषद्का २१ वटा बैठकबाट ३८४ निर्णय भएका छन्। मन्त्रिपरिषद्का विभिन्न समितिका ८ बैठकबाट थप १२ निर्णय गरिएको उल्लेख छ।