गोलीकाण्डपछि थाइल्यान्डमा हतियार नियन्त्रणसम्बन्धी नयाँ कानुन ल्याउने तयारी

काठमाडौं। थाइल्यान्ड सरकारले पछिल्लो विद्यालय गोलीकाण्डपछि हतियार नियन्त्रणसम्बन्धी नयाँ कानुन ल्याउने तयारी गरेको छ। प्रधानमन्त्री अनुतिन चर्नविराकुलले सर्वसाधारणले हतियार बोकेर हिँड्न पाउने व्यवस्थामा कडाइ गर्ने गरी नयाँ कानुन ल्याइने बताएका छन्।

प्रधानमन्त्री अनुतिनले सञ्चारकर्मीसँग कुरा गर्दै प्रस्तावित कानुनअनुसार ड्युटीमा खटिएका सरकारी अधिकारीबाहेक अन्य व्यक्तिले हतियार बोक्न नपाउने व्यवस्था गर्न लागिएको जानकारी दिए।