तेस्रो पटक जोगियो लुम्बिनी, युनेस्कोले तोक्यो संरक्षणका नयाँ सर्त

लुम्बिनी- कोरियामा सम्पन्न युनेस्को विश्व सम्पदा समितिको ४८ औँ सत्रले बुद्ध जन्मस्थल लुम्बिनीलाई खतराको सूचीमा नराखी सुधारका लागि विभिन्न सुझाव दिएको छ। गणतन्त्र कोरियाको बुसानमा भएको युनेस्को ४८औँ सत्रले लुम्बिनीबारे छुट्टै छलफल गर्दै लुम्बिनीको सम्पदा संरक्षणमा सकारात्मक प्रयास भएकाले यस वर्ष खतराको सूचीमा नराख्ने निर्णय गरेको हो।

युनेस्कोले सन् २०२४ र २०२५ मा दिइएका सुझाव नेपाल सरकारले कार्यान्वयन गरिएकाले सन् २०२७ को जनवरी १ सम्मका लागि मौका दिएको छ। सम्पदाको दीर्घकालीन संरक्षण सुनिश्चित गर्न अघि बढाएका पहल र प्रतिबद्धताप्रति सकारात्मक भएकाले विश्व सम्पदास्थल लुम्बिनी खतराको सूचीमा नराख्ने निर्णय भएको लुम्बिनी विकास कोषका निमित्त सदस्यसचिव ज्ञानिन राईले बताए।