२५० रुपैयाँको खरिदमा १० लाख, विजेतालाई अर्थमन्त्रीको फोन

काठमाडौँ । अर्थमन्त्री डा. स्वर्णिम वाग्लेले करदाता प्रोत्साहन उपहार कार्यक्रमअन्तर्गत १० लाख रुपैयाँका विजेता कञ्चनपुर पुनर्वास नगरपालिकाका हेमराज जोशी र १ लाख रुपैयाँ विजेता रुपन्देहीकी सपना खरेललाई फोन गरेर बधाई दिएका छन्।

शुक्रबार अर्थ मन्त्रालयमा आयोजित पत्रकार सम्मेलनमा आन्तरिक राजस्व विभागले साउन १ देखि १५ गतेसम्मको पहिलो चरणको नतिजा सार्वजनिक गरेको थियो। सो क्रममा अर्थमन्त्री वाग्लेले १५ जना एक–एक लाख रुपैयाँका विजेता तथा एक जना १० लाख रुपैयाँका बम्पर विजेता छनोट गरेका थिए।