सरकारसँग अमरेशको आक्रोश : यो राज्य संयन्त्र कसरी चलेको छ?

सांसद अमरेशकुमार सिंहले उपचार नपाएर काभ्रेका एक दम्पतीले सुनकोसीमा हाम फालेको घटनालाई लिएर सरकारप्रति आक्रोश व्यक्त गरेका छन्। उनले उक्त घटनालाई राज्यको अवस्थाको ऐना भएको टिप्पणी गरेका छन्।

सामाजिक सञ्जालमार्फत सिंहले काभ्रेको कुन्दाबेँसीका केदारनाथ पराजुली र उनकी श्रीमती उपचार नपाएर सुनकोसीमा हाम फालेको विषय गम्भीर रहेको उल्लेख गरेका छन्। श्रीमतीलाई क्यान्सरको उपचार गराउन नसक्दा दुवै जना एकैपटक खोलामा हाम फाल्नु सामान्य घटना नभएको उनको भनाइ छ।