रास्वपाको उदयपुर अधिवेशन : स्थगित भएको १८ घण्टापछि सुचारु

नेतृत्व चयनको विषयमा भाँडभैलो भएपछि स्थगित भएको सत्तारुढ दल राष्ट्रिय स्वतन्त्र पार्टी (रास्वपा) उदयपुरको जिल्ला अधिवेशन १८ घण्टापछि सुचारु भएको छ। आइतबार नेतृत्व चयनको विषयमा विवाद भएपछि स्थगित भएको अधिवेशन सोमबार दिउँसोदेखि सुचारु भएको हो।

आइतबार बिहान खुल्लासत्र सके लगत्तै सुरु बन्दसत्रले साविककै सभापति चित्र कार्कीलाई पुनः सभापतिमा दोहोर्‍याउन एउटा पक्ष लागी परेपछि विवाद उत्पन्न भएको थियो। सामान्य विवाद चर्को नाराबाजीमा परिणत हुँदै हात हालाहालको अवस्था आउने सम्भावना बढेपछि निर्वाचन समितिले अधिवेशन स्थगित गरेको थियो।