ग्लोबल आइएमई बैंक र भाटभटेनीबीच सहकार्य, शून्य प्रतिशत किस्ताबन्दीमा क्रेडिट कार्ड सुविधा

काठमाडौँ / ग्लोबल आइएमई बैंक लिमिटेड र भाटभटेनी सुपरमार्केट एण्ड डिपार्टमेन्टल स्टोर बीच ग्राहकलाई लक्षित गर्दै शून्य प्रतिशत ब्याजदरमा ‘अन-द-फ्लाई ईएमआई’ (किस्ताबन्दी) सुविधा उपलब्ध गराउने सम्बन्धमा द्विपक्षीय सम्झौता भएको छ।

डिजिटल भुक्तानीलाई प्रवर्द्धन गर्ने तथा ग्राहकलाई आधुनिक वित्तीय सेवा उपलब्ध गराउने उद्देश्यले गरिएको यस सहकार्यअन्तर्गत भाटभटेनीका सबै स्टोरहरूबाट न्यूनतम १५ हजार रुपैयाँ वा सोभन्दा बढीको खरिदमा ग्लोबल आइएमई बैंकका क्रेडिट कार्ड प्रयोगकर्ताहरूले तत्कालै किस्ताबन्दी सुविधा प्राप्त गर्न सक्नेछन्।