ट्राफिक नियम उल्लङ्घनको अभियोगमा हर्क साम्पाङलाई के भयो कारबाही ?

विराटनगर । श्रम संस्कृति पार्टीका अध्यक्ष तथा सुनसरी क्षेत्र नम्बर १ का सांसद हर्कराज राई (हर्क साम्पाङ) लाई ट्राफिक प्रहरीले ५ सय रुपैयाँ जरिवाना गरेको छ । सवारी चलाउँदा अपनाउनुपर्ने न्यूनतम सतर्कता समेत नअपनाई लापरबाहीपूर्ण ढङ्गले सवारी चलाएको भन्दै उनलाई कारबाही गरिएको हो ।

नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय इटहरी, सुनसरीका प्रमुख प्रहरी उपरीक्षक (एसपी) दीपक गिरीका अनुसार साम्पाङलाई सवारी तथा यातायात व्यवस्था ऐन, २०४९ को दफा १६४ बमोजिम जरिवाना गरिएको हो ।