पुलिस र आर्मी जय ट्रफी क्रिकेटको फाइनलमा

काठमाण्डाै – साविक विजेता नेपाल पुलिस क्लब र त्रिभुवन आर्मी क्लब जय ट्रफी क्रिकेटको फाइनलमा पुगेका छन् । आर्मी शीर्ष र पुलिस दोस्रो स्थानमा रहँदै उपाधि नजिकै पुगेका हुन् ।

आज त्रिवि त्रिकेट मैदानमा भएको खेलमा पुलिसले बागमती प्रदेशलाई ८ विकेटले हरायो । बागमतीले दिएको ८९ रनको लक्ष्य पुलिसले दोस्रो दिनको तेस्रो सत्रमा २ विकेट गुमाएर भेटायो । पुलिसका सोहेल कुँवरले नटआउट ३५ रन बनाए । बागमतीका रिजन ढकाल र सन्दीप लामिछानेले १/१ विकेट लिए ।