इन्सेन्टिभ वितरण नहुँदा सेवा ठप्प, मर्कामा सर्वसाधारण विरामी

महोत्तरी । प्रादेशिक अस्पताल जलेश्वरमा सेवा लिन आउने नागरिक अनाहकमा पिडित बन्न पुगेका छन । मेडिकल सुपिरिटेंडेन्ट, अस्पताल संचालन तथा व्यस्थापन् समिति अध्यक्ष बिचको तालमेल समस्या र भिडियो एक्सरे गर्ने स्वास्थ्यकर्मीको बाकी इन्सेन्टिभ जस्ता आन्तरिक विवादका कारण सेवाग्राहीलाई मर्का परिरहेको छ ।

प्रादेशिक अस्पताल जलेश्वरमा अस्पतालमा भिडियो एक्सरे सेवा बन्द भएपछि बिरामीहरू निजी स्वास्थ्य संस्थामा महँगो शुल्क तिरेर सेवा लिन बाध्य छन् । अस्पताल प्रशासनले प्राविधिक कारणले सेवा वन्द रहेको सूचना टॉस गरि सेवा अवरुद्ध रहेको बताएको छ । तर भित्री कुरा भने भिडियो एक्सरे गर्ने चिकित्सकलाई इन्सेन्टिभ उपलब्ध नगराइएका कारण सो सेवा विगत दुई हप्ताभन्दा बढी समयदेखि वन्द रहेको छ ।