वालेन्द्रको विपक्षमा रवि पक्षका सांसद, विपक्षी खोज्दैछन– प्रधानमन्त्री

काठमाडौं । प्रतिनिधिसभामा प्रधानमन्त्री वालेन्द्र शाहलाई खोजियो। प्रतिपक्षीले केहि समय संसदमा विरोध पनि गरे। विपक्षीले सरकारलाई खवरदारी गर्ने परम्परा सामान्य भएपनि सत्ता पक्षकै सांसदले घुमाउरो शैलीमा सरकारमाथि प्रश्न गरिरहेका छन्। सरकारको आलोचना गर्नेमा पार्टी सभापति रवि लामिछाने निकटका सांसदहरु रहेकाले पनि सत्ता सञ्चालन र पार्टी राजनीतिको प्रभाव संसदमा देखिन थालेको छ ।

रास्वपाका सांसद रमेश प्रसाई अधिकांश समय सरकारको पक्षमा कडा बचाउ गर्नेमा पर्छन्। उनले जस्तोसुकै स्थितिमा पनि सरकारको प्रतिरक्षा गरिरहेको सुनिन्थ्यो। तर, उनले संसदमा ग्यास अभावलाई देखाएर सरकारको चर्को आलोचना गरे। उनले किन यसरी सरकारप्रति रोष व्यक्त गरे ? त्यो विषय रोचक देखिन्छ। त्यसपछि रास्वपाकै सांसद टिका संग्रौला ’ज्वाला’ले पनि सरकारको आलोचना आफू रक्षात्मक बनेर गरिदिइन्।