२३ जिल्लामा आकस्मिक बाढीको जोखिम, सतर्कता अपनाउन आग्रह

काठमाडौँ । बाढी पूर्वानुमान महाशाखाले शनिबार बिहान बाढी पूर्वानुमान बुलेटिन जारी गर्दै देशका प्रमुख तथा मझौला नदीहरूमा बहाव सतर्कता तहभन्दा तलै रहे पनि विभिन्न जिल्लाका स-साना नदीहरूमा आकस्मिक बाढीको मध्यम जोखिम रहेको जनाएको छ।

आज बिहानको मापन अनुसार कोशी, नारायणी, बागमती, कर्णाली र महाकालीका साथै यिनका सहायक नदीहरूको जलसतह सामान्य छ। त्यसैगरी कन्काई, कमला, बबई, पूर्वी राप्ती र पश्चिम राप्ती नदीमा पनि बहाव सतर्कता तहभन्दा मुनि रहेको महाशाखाले जनाएको छ।